වසන්තයේ පිනි බින්දු

SLT ADSL වලින් අවුරුදු තෑගි..!(වේගය ඩබල්)

2010-12-31T20:56:00.003+05:30

SLT කට්ටිය ඔන්න 2011 ජනවාරි පළමුවැනිදා ඉදලා ADSL භාවිතා කරන අයට පොඩි වාසි ටිකක් දීලා තියෙනවා. මෙන්න වාසි.

ENTREE පැකේජ සදහා ‍

වේගය ඩබල් 512Kbps සිට 1Mbps දක්වා වැඩිකරලා,
ෆ්‍රී යූසේජ් 50%කින් ඉහලට 1 GB සිට 1.5 GBදක්වා වැඩි කරලා,
අමතර යූසේජ් වල ගාස්තු 30% කින් පහලට ශත 50 සිට ශත 35 දක්වා අඩුකරලා,

Home Plus පැකේජ සදහා

25% කින් ගාස්තු පහලට රු. 2000/= සිට රු.1500/= දක්වැ අඩු කරලා,
14% භාවිතය ඉහලට 7GB සිට 8 GBදක්වා වැඩි කරලා,
අමතර යූසේජ් වල ගාස්තු 30% කින් පහලට ශත 50 සිට ශත 35 දක්වා අඩුකරලා,

සාමාන්‍ය පාරිභෝගිකයන්ට වැදගත් වෙන්නේ මේ පැකේජ නිසා මේ දෙක ගැන විතරක් විස්තර ලිව්වට අනෙකුත් ව්‍යාපාරික වගේ පැකේජ වලත් වාසි දීලා තියෙනවා. ඒ ගැනත් මෙහි සදහන් දේවල වැඩි විස්තරත් මෙතැනින් බලාගන්න. SLT WEB & More Details

ටෙලිකොම් ADSL අළුත්ම පැකේජ

2010-11-01T21:24:00.002+05:30

SLT අය කලින් තිබුනු ADSL පැකේජත් එක්කම පුංචි වෙනස්කම් කීපයකුත් එක්ක අළුත් පැකේජයන් කීපයකුත් හදුන්වා දීලා තියෙනවා. වැඩි විස්තර මෙතනින් බලා ගන්න. ඒවා Familly ,Flat Rate, Express ලෙස කාණ්ඩ කර තිබෙන අතර Express පැකේජයන් වලට සීමාවන් පනවා තිබේ.

Norton Internet Security 2010 දින 60කට නොමිලේ ලබා ගන්න

2010-05-10T19:46:00.003+05:30

මගේ Kaspersky IS 2009 expire වෙන්න තව දවස් කීපයක් නිසා ත් මේ දවස්වල අතමිට ටිකක් අමාරු නිසාත් කල්පනා කලා මොකද මගේ කොම්පියුටරේ ආරක්ෂාවට කරන්නේ කියලා. මොකද මගේ ඹෆීස් කොම්පියුටර් වලට ගහන පෙන් වල දාහක් වෛරස් මගේ එකට එන මග අවහිර කරන්නම එපායැ.Avaast, AVG වගේ ෆ්‍රී එකක් දාන්නත් කල්පනා කලා. ඒත් මගේ හිත ටිකක් බයයි ඒවා ෆ්‍රී වර්ෂන් නිසා පූර්ණ ආරක්ෂාවක් නැති වෙයි කියලා.
ඹහොම ඉන්නකොට තමයි මේ චාන්ස් එක වැදුනේ Norton Internet Security 2010 දින 60ක කාලයකට ෆ්‍රී .
දින 60ක් වෙනකොට මට රෙජිස්ටර් ඇන්ටි වෛරස් එකක් ගන්න පුළුවන් වේවි එතකම් මෙක ලොකු දෙයක්.

ඔයාලටත් ඕනනම් මෙන්න ලින්ක් එක Norton Internet Security 2010.

ඒ එක්කම වඩා හොද ඇන්ටි වෛරස් වැඩසටහන මොකක්ද කියලා ඔයගොල්ලන්ගේ අදහසුත් දාලා යන්න අමතක කරන්න එපා.

Kaspersky Internet security 2009 වසර 7කට ලයිසන් දෙයි

2010-04-28T16:09:00.003+05:30

පිස්සු හැදෙනවා මේවට. වෛරස්, ස්පයිවෙයා, ට්‍රොජන්ස්, නෙට්වර්ක් ඇටැක් මෙකී නොකී බහුබූත සේරගෙන්ම බේරෙන්න හිතාගෙන ගත්තා Kaspersky Internet security 2009 3User for 1Year. ගත්තේ 2009/මැයි මාසෙ දැන් ලයිසන් එක කල් ඉකුත් වෙන්න ලග නිසා බැලුවා ලයිසන් එක. පැණි වරකා ගහටත් හෙන ගැහැව්වලු Expire Date 20/05/2010 තව දවස් තියෙනවළු 2330ක්. ඒ කියන්නේ තව වසර 6.38 ක්. භාවිත කල කාළයත් සමග බැළුවොත් වසර 7කටත් වැඩියි. පින්තූරය බලන්න.

කොච්චර ප්‍රසිද්ධ සොෆ්ට් වෙයා වුනත් මේ වගේ විහිළු බග්ස් තියෙනවද කියලා බලන්නකෝ. ඉතින් අපට අපගේ කොම්පියුටර් වලට දෙය්යන්ගේම පිහිටයි. ඔබගේද අදහස් දක්වන්න.

බයිස්කෝප් සිංහලෙන් එකේ රසික යාළුවන්ට මගෙන් තෑග්ගක්..!

2010-02-25T20:15:00.005+05:30

බයිස්කෝප් සිංහලෙන් එකේ යාළුවො මහන්සි වෙලා හදන සිංහල සබ් ටයිට්ල්ස් වල නියම ප්‍රයෝජනය ගන්න නම් ඒ ෆිල්ම් එක සිංහල සබ් එක්කම හෝම් තියටර් හරි DVD Player+TV එකකින් හරි බලන්න තියේනම් කොච්චර හොදද නේද?

මම අද ඉදිරිපත් කරන මේ සොෆ්ට් වෙයා එකින් පුළුවනි ඒ විදියට ඩීවීඩී එකක් බර්න් කරන්න. මේක ෆ්‍රී වෙයා එකක්.ඒ වුනත් සුපිරි මෘදුකාංගයක්. DVD Flick තමයි මේ සොෆ්ට් ‍‍වෙයා එක. මේ තියෙන්නේ තිර පිටපතක්.හැබැයි මේක භාවිතා කරලා ඩීවීඩී ගහලා පිටකොටුවේ බිස්නස් කරලානම් අහු වෙන්න එපා.. ළමයි

මෙන්න ඩව්න්ලෝඩ් ලින්ක් එක. DVDFLICK

මේ සොෆ්ට් වෙයා එක ගැන වැඩි විස්තර Details

උබුන්ටු 9.10 මත Ubudsl පිහිටුවීම/අළුත් සංස්කරණයක්

2010-02-03T21:12:00.004+05:30

හුග දෙනෙකුට තියෙන ගැටළුවක් තමසි උබුන්ටු 9.10 මත Ubudsl පිහිටුවීම. මීට කලින් සංසදයේ සහෝදරයෙක් මේ පිළිබදව ලියලා තිබුනට ඒ ක්‍රමය ට්කක් සංකීර්ණ වැඩි යි වගේ නිසා මා අන්තර්ජාලයෙන් සොයාගත් උබුඩීඑස්එල් අළුත්ම සංස්කරණයක්ඉදිරිපත් කරමි.

මෙම Ubudsl සාමාන්‍යයෙන් උබුන්ටු 9.04දී වගේම කිසිම කරදරයක් නැතිව පිහිටුවා ගත හැකිය.

නමුත් පෙර කී පරිදි මීට කලින් සංසදයේ සහෝදරයා කිවූ ක්‍රමයේ පරිදි මෙන්ම මෙම ක්‍රමයේදීත් මට ZXDSL 852 මෝඩමය පිහිටුවා ගත හැකි වුනාත් මෝඩමයේ පවර් බල්බය දැල්වීම හෝ Synchronize වීම සිදු නොවේ.

එම නිසා ADSL මෝඩම් තියෙන අය මේ ක්‍රමය අත්හදා බලා කමෙන්ට්ස් දාන්න.
ආ...අමතක වුනා මේ ෆයිල් එක මුලින් ම උඩුගත කළ ඊ ලෝකයේ මිතුරාණනි ඔබට ජය!

බාගත කිරීමට මෙතන කොටන්න Ubudsl for Karmic Kola(Ubuntu 9.10)

GOOGLE Wave ආරාධනා ඹ්නද?

2009-12-31T21:04:00.006+05:30

GOOGLE Wave ආරාධනා ඕන අය ඉන්නවනම් Gmail ඊ මේල් ලිපිනයත් සමග comment කරන්න.
තව 8ක් ඉතිරිව තිබේ.

ලංකාවට නැවතත් එංගලන්තයේ පිහිට පමණි

2009-09-28T20:42:00.002+05:30

කලබල වෙන්න එපා . මම මේ කියන්නේ අයි.සී.සී. චැම්පියන්ස් කුසලානේ ගැන. ශ්‍රී ලංකාවට අර්ධ අවසන් පූර්ව වටයට යන්න නම් ඉතිරි වී ඇති එකම අවස්ථාව හෙට පැවැත්වෙන එංගලන්තය හා නවසීලන්තය අතර තරගයේදී (අපේ මිතුරු) එංගලන්තය නවසීලන්තය වැඩි ලකුණු ගණනකින් හෝ අඩු ඕවර සංඛ්‍යාවකින් හඹා ගොස් ජය ගැනීම පමණයි. එංගලන්තයට ජය වේවා!

ප.ලි. (එංගලන්තයට ජය වේවා!)මම දේශද්‍රෝහියෙක් ලෙස ගණන් නොගන්න

තරම මනින්න මීටරයක්

2009-09-13T21:06:00.005+05:30

අන්තර්ජාලය භාවිත තරන ‍බොහෝදෙනා තමන් භාවිතා කරන දත්ත සහ කාළය ට ගෙවීම් කරන නිසා එම ප්‍රමාණයන් මැන ගැනීමට විවිධ ක්‍රම භාවිතා කරනවානේ. ඉතින් මෙන්න මට ලැබුනු ඉතාම හුරැබුහුටි දත්ත මීටරයක්. මෙහි විශේෂත්වය තමයි බ්‍රව්සරයේ ‍ටයිටල් බාර් එක මත නිතරම සක්‍රීයව පැවතීම. (එහෙම නැත්නම් ඩෙස්ක්ටොප් එක මත). මෙන්න ලින්ක් එක . මේක පොඩි සොෆ්ට්වෙයා එකක්.

පනින්න (මාරු කිරීමට)පෙර සිතා බලමු.

2009-08-16T20:59:00.002+05:30

මේ මම කියන්න යන්නේ SLT ලගේ අළුත් V Talk පැකේජ ගැන. ඒ ගැන විස්තර මෙතනින් (SLT) .
ඉතින් මේකට අනුව ගොඩක් ලොකු බිල් එන අයටනම් රු. 250ක් ගෙවලා තමන්ට ගැලපෙන අළුත් පැකේජයකට මාරු වුනාට කමක් නැහැ. ඒත් පොඩි බිල් එන අයනම් මාරු වෙන්න ඉස්සර පොඩ්ඩක් ගණන් හදලා බලන්න.
තව වැදගත්ම SLT කට්ටිය සගවන කරුණ තමයි මෙතෙක් ගෘහස්ථ පාරිභෝගිකයන් සදහා හිමිවූ රු. 400 යේ වට්ටම නව පැකේජ සදහා නොමැති වීම.

1000 යි! 1000යි!

2009-07-17T20:04:00.003+05:30

මගේ බ්ලොග් අඩවියට පැමිණි සංඛ්‍යාව 1000 ඉක්මවලා. මේ ගණන සුළු ගණනක් වෙන්න පුළුවන් සමහර බ්ලොග් දිහා බලනකොට.. ඒත් මට සතුටක් මාත් ඊ ලෝකයේ එක පුරැකක් වෙලා කියලා හිතනකොට
( විශේෂයෙන්ම මා දන්නා තරමින් මා සේවය කරන අංශයේ කෙනෙකු ලියන පළමු බ්ලොගය මෙය විය හැකියි......)

Ms Office 2007 සිංහල අතුරු මුහුණතට Windows Vista ඕනමද?

2009-07-16T20:36:00.004+05:30

www.microsoft.com/srilanka හි සදහන් ආකාරයට Ms Office 2007 සිංහල අතුරු මුහුණතට අවශ්‍ය මෙහෙයුම් පද්ධතිය Windows Vistaය.

නමුත් මාගේ අත් හදා බැලීම්අනුව මෙය Windows XP Service Pack 3හි මත ධාවනය Ms Office 2007ටද යොදා ගත හැක. (XP SP2 වලනම් බලන්න බැරි උනා.)
(Microsoft හිතුවා මදි අපට Vista විකුන්න........)

හදන්නත් කළින් නරක්වන පාන් ගෙඩිය

2009-07-16T20:02:00.002+05:30

මෙහි සදහන් ආකාරයට මෙම පාන් ගෙඩිය නරක් වන්නේ නිපදවීමටත් මාස 11කට ප්‍රථමයෙනුයි.

නි. දිනය :- 28 DEC 2008

කල් ඉකුත් දිනය :- 29 JAN 2008

මාරයි නේද?
මේක කාටවත් අපහාසයක් එහෙම කරන්න නෙමෙයි. වෙලා තියෙන්නේ මට හිතෙන විදියට කල් ඉකුත් දිනය ගහද්දි 2009 වෙනුවට ගහලා තියෙන්නේ 2008.
නමුත් මට තියෙන ගැටළුව මොන පාන් ගෙඩියක්වත් මාසයක් කල් තබාගන්න පුළුවන්ද කියලයි.

අළුත් ඇදුමක් ඇන්දවූ පරණ සර්ච් එන්ජිම

2009-07-06T18:25:00.003+05:30

Google ලාට තරගයක් දෙන්න වින්ඩෝස් ලයිව් කට්ටිය හදපු අළුත්ම සර්ච් එන්ජිම තමයි මේ.
තරමක් ආකර්ශණිය වගේම පහසුකම් අතිනුත් ටිකක් හොදයි වගේ. ට්‍රයි කරලා බලන්න.
මෙන්න ලින්ක් එක.

www.bing.com

තමන්ගේම නමින් සර්ච් පේජ් එකක්......!

2009-06-28T20:49:00.002+05:30

ආසද? එහෙනම් යන්න http://www.the-page.net
ඊට පස්සේ තමන්ගේ කැමති නම දීලා ඹ්කේ කරන්න. ඊට පස්සේ එන පේජ් එක තමන්ගේ හෝම් පේජ් ලෙස සකසාගන්න. වෙනසක් නේද හැමදාම Google ලෙස දකිනවාට වඩා?.........

ආප්ප, බිත්තර ආප්ප, පැණි ආප්ප කා පිළිම නෙළීම

2008-12-22T20:34:00.003+05:30

ඉහත මාතෘකාව දුටු පමණින් ඔබට සිනහ පහලවන්නට ඇත. මේ මොන විකාරයක්දැයි ඇසීමට කට හදා ගත්තා විය හැක. එහෙත් මෙය කියවා බලන්න.
අප ගමන් ගන්නා සෑම තැනකම පාහේ යමි හෝටලයක හෝ අවන්හලක දක්නට ඇති පොදු දර්ශනයක්නම් ඉතා ලස්සන වටකුරු සුදු පැහැ ආප්ප, බිත්තර ආප්ප, පැණි ආප්ප තරගයට මෙන් අසුරා තිබීමයි.
අපද ඉතා ආසාවෙන් ආප්ප, බිත්තර ආප්ප, පැණි ආප්ප තරගයට මෙන් අනුභව කරන අතර (බොහෝ දුරට ආප්පයකින් බාගයක්වත් කුඩු බවට පත්වී වැටීම වෙනම කථාවකි) ගෙදර හදන ආප්පවල නැති එහෙත් කඩයප්පම් වල ඇති රුව ගුණද (පැහැය, හැඩය) වර්ණනා කරන්නෙමු.
එහෙත් මේ රුව පිටුපස ඇති රහස දන්නෝ ආප්ප බාස්ලා ලෙස හදුන්වනු ලබන ආහාර සකසන්නෝම පමණි.
එනම් ආප්පවල ඇති මෙම ඇස් පිනවන ගතියට හේතුව එම බාස්ලා විසින් ආප්ප මිශ්‍රණයට එක් කරන (අළුත් සොයා ගැනීම) අප කවුරුත් දන්නා Plaster of Paris(POP) නම් සාමාන්‍යයෙන් කුඩා පිළිම නෙළීමට භාවිතා කරන ද්‍රව්‍යය එක් කිරීම බව ඔබ දැනගෙන සිටියාද?
ප්ලාස්ටර් ඔෆ් පැරිස් ගැන තොරතුරු ටිකක්
රසායනික නාමය :- calcium sulfate hemihydrate
රසායනික සංයෝගය:- CaSO₄·0.5H₂O
නිෂ්පාදනය:- ජිප්සම් නම් සංයෝගය සෙන්ටිග්‍රේඩ් අංශක 150 ට රත්කිරීම මගින් නිපදවා ගනී.
2 CaSO₄·2H₂O → 2 CaSO₄·0.5H₂O + 3 H₂O (released as steam).

භාවිතය :- නිර්මාණ හා ගෘහ නිර්මාණ කටයුතුවලට, වෛද්‍ය විද්‍යාවේදී භග්න වූ අස්ථි වලට ප්‍රතිකාර කිරීමේදී ආධාරකයක් ලෙස. ( ලංකාවේ ආප්ප සෑදීමට)

ශ්‍රේෂ්ඨාධිකරණයේ පිහිටෙන් පාරිභෝගිකයා සුරැකේ

2008-12-16T17:18:00.002+05:30

මෙි දිනවල මහත් ආන්දෝලනයකට තුඩුදී ඇති හෙජින් ගිවිසුම සම්බන්ධව බොහෝ විට 17 දා වන විට ජනතාවට වාසිදායක තීන්දුවක් ලැබෙනු ඇතැයි මම සිතමි. මෙන්න එහෙනම් හැමෝටම comments දානවට අමතරව කරන්න පුංචි survey එකක්.

මේ සටහන මා මුළුමනින්ම උබුන්ටූ මත සිට කරන පළමු සටහන බවද මතක් කර සිටිනුයේ ඉමහත් සතුටකිනි.

වින්ඩෝස් XP වල සිට උබුන්ටු වෙත යාමෙන් .....?

2008-12-11T00:27:00.002+05:30

මා මෙතෙක් දිනක් භාවිතා කළේ වින්ඩෝස් එක්ස්.පී. මා තුළ ලිනක්ස් හා ඒ හා සමාන පද්ධති කෙරේ තිබූ අනියත බිය නැති කිරීමේ ප්‍රණාමය සිංහල බ්ලොග් සංසදයේ ඔබ සැම සතුයි.
ආ.. තවත් ස්තූතියක් තියෙනවා ඒ SLT Broadband වලට.
ඉදින් මා මුලින්ම ubuntu 8.10 පැකේජය පැය කීපයක මහන්සියෙන් ලබාගෙන මුලින්ම ලයිව් සීඩී එක සකසා ගෙන පොඩි අත්හදා බැලීමක් කළා.
දුටු පමණින් හිත ඇදී ගිය නිසාවෙන්ම ස්ථාපනය කරගත්තා වෙනම පාටිෂන් එකක.
පළමු ගැටළුව වුනේ adsl modem එක ස්ථාපනය. යන්තමින් අන්තර්ජාලයේ ම පිහිටෙන් ඒකෙන් ගොඩ ගියා.
ඊ ලගට වීඩියෝ හා mp3 ධාවනය ඒකත් හරි. දැනට ඉතිරි ගැටළු විසදා ගැනීම සදහා සහය අවශ්‍යයි.
1 කොහොමද සිංහල යුනිකෝඩ් නිවැරදිව ඉන්ස්ටෝල් කරගන්නේ? සිංහල තිබුනාට හරියට ලින්ක් වෙන්නේ නැහැ.
2 කී බෝඩි ටයිපිං ලැන්ග්වේජ් මාරු කරන ෂෝට් කටි තිබේද? මොනවාද?
3 මගේ පරණ ලංකාබෙල් සීඩීඑම්ඒ දුරකථනය(මෝඩමය ) නිවැරදිව ඉන්ස්ටෝල් කරගන්නේ කොහොමද? ඩයල් අප් එක සකසා ගන්නේ කෙසේද?

සරලව කියා දෙන්න.. මොකද මම උබුන්ටූ වල pre school level

ජාතික සමගිය ඇති කරමු

2008-12-08T23:39:00.002+05:30

බලය බෙදීම (හොදද මන්දා)
දකුණු පළාත - මහින්ද මැතිතුමා
බස්නාහිර පළාත- රනිල් මැතිතුමා
උතුරු පළාත- ප්‍රභාකරන් මැතිතුමා
නැගෙනහිර පළාත- හකීම් මැතිතුමා/ ෆෙරියල් මැතිණිය
මධ්‍යම පළාත- තොණ්ඩමන් මැතිතුමා
ඌව පළාත- වන්නියලැත්තෝ(වැදි නායක) මැතිතුමා
වයඹ පළාත- ජයලත් ජයවර්ධන මැතිතුමා
සබරගමුව පළාත- සෝමවංශ මැතිතුමා
උතුරු මැද පළාත- ඹේදානන්ද හිමි

මේ නව දෙනාගේ වැඩි කැමැත්තෙන් අගමැති/ජනපති තෝරනු ලැබේ.

ඩයලොග් ටීවී සහ ඇන්දෙත පාරිභෝගිකයා

2008-12-06T16:12:00.003+05:30

CBN Sat ඩයලොග් ටීවී බවට පරිවර්ථනය වීමෙන් පසු රු. 100, රු. 500, රු 900, සහ රු. 1,400 ක ප්‍රීමියම් පැකේජයක් හදුන්වා දුන් අතර එවිට පවසන ලද්දේ ඉදිරියේදී එකතු වන සෑම චැතලයක්ම රු. 1,400 පැකේජය වෙත නිරායාසයෙන්ම එකතු වනු ඇති බවයි.
එය අපේ රටේ දේශපාලකයින් දෙසන ආකාරයේම බින්නයක් කරමින් මෑතකදී අළුත් ප්‍රීමියම් පැකේජයක් රු. 1,949 කට එළිදක්වන ලදී . දැන් අළුත් සෑම චැනලයක්ම එක් වන්නේ එයටය. ( බූමරෑන්ග් හැර).
ඩයලොග් සමාගම අපට මේ පවසා සිටින්නේ කුමක්ද?
තවත් රු. 549ක් ගෙවා අළුත් වන ලෙසද?
එවිට තව ටික දවසකින් රු. 2,500 ක හෝ 3,500ක ප්‍රීමියම් පැකේජයක් යයි හදුන්වමින් තවත් අපව අනාගතයට ගෙන යනු ඇත.
මබේ අදහස් දෙන්න.

මගේ අදහස ඩයලොග් සමාගමට කිරීමට ඇත්තේ දැනට පවතින චැනල සංඛ්‍යාව එක් එක් චැනලයට සුදුසු පරිදි මිලක් නියම කර (එකතුව රු. 1949 නොඉක්මවන ලෙස) තමන්ට අවශ්‍ය චැනල තෝරා ගැනීමට පාරිභෝගිකයාට ඉඩ සැලැස්වීමයි. අමතරව සෑම පාරිභෝගිකයෙක්ගෙන්ම රු. 100 ක හෝ රු. 150ක ස්ථාවර මාසික ගාස්තුවක් අය කළ යුතු අතර එවිට පාරිභෝගිකයාටද අනවශ්‍ය චැනල ටිකක් තමන්ගේ චැනල ලිස්ට් එකේ පුරවා නොගෙන අත්‍යාවශ්‍ය චැනල වලට පමණක් ගෙවීම් කරමින් නැරඹිය හැක.

වර්ෂ 2011 ක්‍රිකට් ලෝක කුසලානය ඉන්දියාවට

2008-12-05T19:28:00.000+05:30

ලෝකයේ පොහොසත්ම ක්‍රිකට් පාලක මණ්ඩලය වන ඉන්දීය ක්‍රිකට් පාලක මණ්ඩලය තම මුදල් බලය යොදවා දැන්මම වර්ෂ 2011 ක්‍රිනට් ලෝක කුසලානය ඉන්දියාවට ලබා ගැනීමේ සූක්ෂ්ම සැලැස්මක් ක්‍රියාත්මක කර ඇති අතර එයට ලෝකයේ ක්‍රිකට් ක්‍රීඩා කරන සෑම රටක්ම පාහේ හසුවී ඇති බවත් පෙනී යයි.

උපක්‍රම අංක 01:- පෙරලිකාර තරගාවලියක් ලෙස හුවා දක්වමින් ICL නම් අත යට ගේමක් ගසා ප්‍රබල කණ්ඩායම් දෙකඩ කිරීම සහ කණ්ඩායම් වල ජ්‍යෙෂ්ඨයින් බිලි බා ගෙන Game Tricks උකහා ගැනීම.

උපක්‍රම අංක 02:- IPL නම් නීත්‍යාණුකූල තරගාවලියක් ලෙස පෙන්වා මුදල් මගින් ලෝකයේ සෑම රටකම අති දක්ෂයින් සියල්ලම ඉන්දීය තණතිලි මතදී හැසිරීම නිරාවරණය කර ගැනීම. මෙයිත් අත්කරගත හැකි වාසිනම්

01. සියලුම ඉන්දීය තරුණ ක්‍රීඩකයන්ට ලබා දිය හැකි උපරිම අත්දැකීම් ප්‍රමාණය ලබාදීම .

02. ලෝකයේ සෑම ප්‍රබල ක්‍රීඩකයෙකුගේම දුර්වල ස්ථාන අධ්‍යනය කිරීම.

03. එකම රටේ ක්‍රීඩකයින් කණ්ඩායම් වලට බෙදා ඔවුනොවුන්ගේ ප්‍රබලතා සහ දුබලතා අණාවරණය කර ගැනීම.

ඉදින් 2011 ලෝක කුසලානය කාටද?

ආයුබෝවන්!!!!

2008-12-04T21:53:00.000+05:30

හෙට සිට මම අරඹනවා බ්ලොග් කරන්න. හැමෝටම ආරාධනා කරනවා.... මට සහය දක්වන්න කියලා.....